کۆبوونەوەیەک لەگەڵ وەزیری پەروەردەی هەرێمی کوردستان

ڕۆژی سێشەممە ڕێکەوتی ١٤ی ١١ی ٢٠٢٣، «ئالان حەمە سەعید ساڵح» وەزیری پەروەردەی حکومەتی هەرێمی کوردستان، پێشوازی لە ئەندامانی گرووپی ئاسۆسۆفت، «عەبدولهادی عەباس» و «سابات محەممەد» پەرەپێدەرانی سیستەمی گۆڕینی دەنگ بۆ نووسین و مامۆستا لە زانکۆی سۆران کرد.

لە دیدارەکەدا بڕیار درا کاری پێویست بە هەماهەنگیی وەزارەتی پەروەردە ئەنجام بدرێت لەسەر پرۆژەی سیستەمی دەنگ بۆ نووسین. هەروەها لە پلاتفۆرمی «ئی-کتێبخانە» و بەشێک لە پرۆگرامەکانی خوێندن سوود لە بەرهەمی ئاسۆسۆفت وەربگیرێت.