ئاسۆسافت کۆمپیانیایەکی زانست بنەمایە کە لە لایەن پسپۆڕانی بوارەکانی ژیریی دەستکردی، ئەندازیاریی کۆمپیووتەر و زمانناسیی کۆمپیووتەرییەوە دامەزراوە و بەڕێوە دەبرێت.

ئاسۆسافت جگە لە بەرنامە کارپێکەرییەکان بۆ زمانی کوردی، لە بواری دابینکردنی سەرچاوەکانی دەیتا بۆ پەرداوتنی کۆمپیووتەریی دەنگ و زمانی کوردی چالاکی دەکات. چالاکییەکانمان لەم بوارەدا بریتین لە دابینکردنی کۆرپسی دەقی، کۆرپسی ئاخاوتن، تۆڕەکانی وشە، لێکسیکان و کۆرپسی هاوتەریب.

ئاسۆسافت یەکەم کۆمپانیایە کە لە بواری ناسینەوەی ئاخاوتن بۆ زمانی کوردی چالاکی دەکات. لە ڕێگەی زانستی ژیریی دەستکردی و پەرداوتنی سیگناڵ ئامێرەکانی ناسینەوەی ئاخاوتن، ناسینەوەی ئاخێوەر و فەرمانی دەنگی بۆ زمانی کوردی دابین دەکەین.